Alìve, ùegghje … venìteme ‘nzùonne

Dodecasillabi a rima alternata, senza pretese.

Francesco Stolfa Il Cor(ro)sivo
Corato - venerdì 02 gennaio 2009
Alìve, ùegghje … venìteme ‘nzùonne
Alìve, ùegghje … venìteme ‘nzùonne © n.c.

Alìve da venne o alìve da mascenà

cùss’è mò ‘u probléme de le Quaratine.

Doppe ca so’ state n’u anne a fategà,

vide ci’avaje arrecapetà stamatìne.


Voche ‘o mègghje trappìte, tutte cundènde,

d’alive belle ’u trerròte chine chine,

me mette ‘mbonde a la file e ce me sende

da Gine, ’u cumbàre de donna Checchine?


Pure chess’annàte u’ prezze è sciute ‘n’derre,

ànze, è pigghiàte proprie la capabbàsce.

E nan se pote disce: “munne jè e munne jerre”;

percè dò nan s’è mè viste acchessì vasce.


Maccedè: mò pe ne quendàle d’alìve

nan z’accatte manghe ‘u chile d’ù presutte!

“So’ re cause ca seccèdene alle vive”,

disce canàteme; ma ghje me so’ rutte.


Ma dimme signerì, ce te pare giùste:

me fazze le cadde a speruà a Febbràre,

po’ me tire re minghionere ad Agùste,

quanne tu e l’alte ve ne sciate ‘o mare,


fazze na màschere di terre e sedore

quanne araisce ‘u fonde pe’ la motozappe

o quanne m’u passe tutte p‘u trattore

e me retìre cammenènne a ‘na trappe.


‘Uàngevene, v’u diche mò, chiare chiare,

‘u fonde m’u venne ‘o prime ca s‘u pigghje.

Ce ‘nge vole: ‘u tièmbe de chiamà ‘u netare.

Pure ce pe’ miche è accam’a perde ne figghje.


La sere migghjèreme, chedda sfaccìme,

m’è fatt’acchià u’calzàune pe’ re cepòdde

accumbagnàte da ne belle quartine

de miere; e ‘u so’ mangiàte pure de fodde.


La notte so’ fatte ne sùenne agitate,

ca chedde cepòdde sciàine suse e sotte.

So’ sennàte la bonàneme d’u frate

de Peppine ‘u carnaiùole de via Giotte.


Chedda bonàneme se ne scì a fategà

a ne belle paise lundane e ricche

e do, a Quarate, nan se velì chjù retrà.

S’av’avvecenàte ‘o liette a picche a picche


e m’è ditte, parlenne belle spiegate:

«Ma chessa cape nan la velìte mè cangià

vu tutte l’agricoltòre de Quarate;

aière e jòsce ve sapìte lamendà,


v’avìte arrennùtte a vènneve le fonde,

ma nan ve salutàte pe cudde accòste,

nan velìte capì ca è da chedda scionde

c’avìta accumenzà a mette tutte a poste.


L’unione fàsce la forze! Ce nau sape?

Ma vu penzàte angòre a fa’ parte a sule

‘nd’accusse munne ca s’è globalizzate?

Lassàte chidde ca sò cape de mule


e criàte ne Consòrzie granne e unìte.

Date inzième la stessa coltivazione,

e vennìte a tutt‘u munne uègghje squisite,

alla facce de la globalizzazione».


Me so descetàte pe ne penzière fisse:

«Ma vu vedàje ca stu sorte de problème

s’arresòlve chiane chiane, da pe ìsse,

ce n’ambaràme a fategà tutte inzième»?


(dodecasillabi a rima alternata, senza pretese)

Lascia il tuo commento
commenti
Altri articoli
Gli articoli più letti